पीएम सूर्यघर योजना : उज्ज्वल भविष्य के क्रांति

महासमुंद, वो समय अब बीत चुके हे जब बिजली के मीटर उपभोक्ता मन के जेब खाली कर देवत रहिस। अब मीटर गवाही देवत हे, ऊर्जा के उपभोग के न ही, ऊर्जा उत्पादन के। छत्तीसगढ़ के धरती म प्रधानमंत्री सुरुज घर-मुफ्त बिजली योजना ह घर-घर म आशा के नवा किरण जलाए हे।
महासमुंद के एकता चौक, इमली भाठा रोड के रहवइया श्री अमित एकर जीवंत उदाहरण हे। कभू हर महीना पन्द्रा सौ ले 4 हजार रूपिया तक के बिल चुकाने वाला अब बिजली विभाग ले कमई करत हे। वोखर छत म सजे 5 किलोवाट के सौर पैनल रोज 10 यूनिट ऊर्जा बनात हे, जेमें ले 7-8 यूनिट घर के अंजोर म खप जात हे अऊ बाकी के रोशनी हमार बिजली खाता म जमा हो जात हे। घर के हर पंखा, हर बल्ब, हर उपकरण अब सुरुज के मुस्कान ले रोशन होत हे। स्मार्ट मीटर उंखर ऊर्जा कहानी ल पल-पल लिखत हे। अऊ तड़ित चालक, मानो आकाशीय बिजली ले पहरेदार बनके रक्षा करत हे।
प्रधानमंत्री श्री नरेन्द्र मोदी के दूरदृष्टि अऊ मुख्यमंत्री श्री विष्णु देव साय के मार्गदर्शन ह ए योजना ल डबल सब्सिडी के शक्ति देहे हे, जिहां केंद्र अऊ राज्य मिलके हजारों के राहत देवत हे। महासमुंद जिला के 550 घर अब जगमग हे संगेच आत्मनिर्भरता के मिसाल बन गे हे। योजना के तहत् बिजली उत्पादन करइया श्री अमित ह बताइस के ये योजना सौर ऊर्जा के विस्तार के संगे संग उज्ज्वल भविष्य के क्रांति हे।