01 लाख 22 हजार 545 ले जादा हितग्राही मन ला देहे गे हे गैस कनेक्शन
मुंगेली, प्रधानमत्री उज्ज्वला योजना के तहत गैस कनेक्शन मिले ले महिला मन ला धुँगिया ले मुक्ति मिलत हे अउ ओखर जिनगी के स्तर म सुधार आवत हे। मुंगेली जिला के कतकोन महिला मन ला रंधनी खोली म लकड़ी अउ छेना के धुँआ ले भरे, आँखि म जलन अउ साँस ले म तकलीफ जइसे कतकोन समस्या होवत रहिस। फेर प्रधानमत्री उज्ज्वला योजना 2.0 ह ए तस्वीर ला बदल देहे हे। आज उही रंधनी खोली ह साफ-सुथरा, सुरक्षित हे। जिला म 01 लाख 22 हजार 545 ले जादा हितग्राही मन ला मुफत म गैस कनेक्शन देहे गे हे।
नगर पंचायत सरगांव के श्रीमती रंजिता वर्मा ह बताइन के ओमन पहिली लकड़ी अउ छेना ले खाना बनावत रिहिन। घर के भितरी म धुँआ ह भर जावत रहिस, जेकर ले आँखि म जलन, साँस ले म तकलीफ अउ सेहत ले जुड़े समस्या बने रहय। संग म, लकड़ी सकेले अउ चूल्हा म खाना राँधे म बहुत जादा समय लग जावत रहिस, जेकर ले बखत म जेवन घलो नइ बन पावत रहिस। अब गैस कनेक्शन मिले के बाद ओखर घर म धुँआ ले पूरा राहत मिल गे हे। समय के बचत होत हे अउ परिवार ला बखत म साफ अउ सुरक्षित जेवन मिल पावत हे। पाँच झन के परिवार के सुघ्घर गृहिणी रंजिता वर्मा ह ए योजना ला अपन जिनगी बर असीरबाद बताइन अउ प्रधानमत्री श्री नरेंद्र मोदी अउ मुख्यमत्री श्री विष्णुदेव साय के धनवाद करिन।