कच्चा घर ले पक्का घर तक: प्रधानमंत्री आवास योजना ग्रामीण ले पूरा होइस हेमंत सिंह के सपना

जांजगीर-चांपा, विकासखण्ड अकलतरा के ग्राम पंचायत चंदनियां के रहइया श्री हेमंत सिंह बर पक्का मकान कभू एक सपना कस रहिस। आर्थिक रूप ले कमजोर होय के सेती श्री हेमंत सिंह ह खपरा अउ टीन के छत वाला कच्चा घर म रहे बर मजबूर रहिन। पइसा के कमी के कारन न त ओमन घर के मरम्मत करा पावत रहिन अउ न ही छप्पर या टीन ला बदले के हालत म रहिन। बरसात के दिन म ओकर परिवार ला भारी दुख-मुसीबत के सामना करे बर परत रहिस।
प्रधानमंत्री आवास योजना ग्रामीण ह ओकर जिनगी म आस के नवा किरन जगाइस। बछर 2024-25 म सासन कोति ले ओकर चुनाव करे गीस अउ प्रधानमंत्री आवास योजना ग्रामीण के तहत 1.20 लाख रूपया के राशि मंजूर करे गीस। ए पइसा ह सीधा ओकर बैंक खाता म भेज दे गीस, जेखर ले ओला अपन पक्का घर बनाय के मउका मिलीस।
मंजूर राशि मिले के बाद, हितग्राही हेमंत सिंह ह अपन घर बनाय के काम ला पूरा करिस। आज ओहा अपन परिवार के संग सुरक्षित, मजबूत अउ पक्का मकान म सम्मान के संग जिनगी बितावत हे। एखर संगेच ओला उज्ज्वला योजना के तहत एल.पी.जी. गैस कनेक्शन अउ स्वच्छ भारत मिशन के तहत शौचालय के लाभ घलो मिल चुके हे, जेखर ले ओकर जिनगी के स्तर म सुधार आय हे।
परिवार के मनखे मन कहिथें के प्रधानमंत्री आवास योजना ग्रामीण जइसे योजना मन गरीब परिवार मन बर वरदान साबित होत हे। ए योजना ह सिरिफ मुड़ ऊपर छत नइ देवे, बल्कि सम्मान ले जिये के भरोसा घलो देथे। ओमन एखर बर सासन-प्रसासन ला धन्यबाद देवत कहिथें के ए योजना ले ओकर जइसन लाखों गरीब मन के पक्का घर के सपना सच होत हे।