भारतीय खाद्य निगम ह पीएमजी के एवाई के तहत राज्य मन ल 31.80 एलएमटी मुफ्त खाद्यान्न के आपूर्ति करे हे
पीएमजीकेएवाई के तहत सबो 36 राज्य मन ह अनाज प्राप्त करे हें
दिल्ली, 18 मई 2021। कोरोना वायरस के सेती होए आर्थिक व्यवधान के पाए के गरीब मन ल होवइया कठिनाई ल दूर करे बर भारत सरकार कोति ले घोषित गरीब-समर्थक पहल के मद्देनजर, भारत सरकार कोति ले प्रधानमंत्री गरीब कल्याण अन्न योजना (पीएमजीकेएवाई) के घोषणा करे गए हे।
19 मई, 2021 तक, छत्तीसगढ़ सहित आंध्र प्रदेश, अंडमान अऊ निकोबार द्वीप समूह, अरुणाचल प्रदेश, गोवा, हिमाचल प्रदेश, केरल, लद्दाख, मेघालय, मिजोरम, नागालैंड, पुद्दुचेरी, तमिलनाडु, तेलंगाना अऊ त्रिपुरा आदि सबो 36 प्रदेश मन ह मई 2021 बर आवंटित 100 प्रतिशत खाद्यान्न ल भारतीय खाद्य निगम डिपो ले उठा डरे हें।
ये योजना के तहत, राष्ट्रीय खाद्य सुरक्षा अधिनियम-एनएफएसए के तहत सामिल करे करीबन 79.39 करोड़ लाभार्थी मन ल हर महिना प्रति मनखे 5 किलोग्राम के दर ले अकतहा खाद्यान्न, दू महीना मने मई-जून 2021 के बेरा बर देहे जात हे। ये आवंटन नियमित एनएफएसए आवंटन के अकतहा हे अऊ ये योजना के तहत 79.39 एलएमटी खाद्यान्न जारी होही।
प्रदेश मन ल केंद्रीय सहायता के हिस्सा के रूप म खाद्यान्न के लागत अऊ अंतर्राज्यीय परिवहन आदि बर 26,000 करोड़ रूपिया ले जादा के पूरा खर्च भारत सरकार वहन करही।
एखर ले पहिली, भारत सरकार ह पीएमजीकेएवाई-I (अप्रैल-जून 2020) अऊ पीएमजीकेएवाई-II (जुलाई-नवंबर 2020) के तहत एनएफएसए लाभार्थी मन ल मुफ्त खाद्यान्न देहे रहिस, जेखर तहत 104 एलएमटी गेहूं अऊ 201 एलएमटी चावल, कुल 305 एलएमटी खाद्यान्न के संबंधित प्रदेश मन के सरकार ल एफसीआई कोति ले सफलतापूर्वक आपूर्ति करे गए रहिस।
राज्य मन ह पीएमजीकेएवाई के तहत केन्द्र ले मई 2021 तक 100 प्रतिशत खाद्यान्न कोटा उठा डरे हें
