दंतेवाड़ा, 13 जनवरी 2021। डीआरजी अउ नक्सली मन के बीच बुधवार के मुठभेड़ होगे। मुठभेड़ म एक पांच लाख के इनामी नक्सली मारे गए हे। मारे गए माओवादी हिडमा मुचाकी के शव पुलिस ह बरामद कर लिस हे। मारे गए माओवादी के तीर ले सुरक्षा बल के जवान मन ह 9 एमएम के एक पिस्टल बरामद करिस हे। मिले जानकारी के अनुसार जिला के कटेकल्याण थाना क्षेत्र के चिकपाल अउ मारजुम के जंगल मन म बुधवार बिहनिया डीआरजी सीएएफ के जवान अउ नक्सली मन के बीच मुठभेड़ शुरू होइस। मुठभेड़ म दाुनों तरफ ले गोलाबारी म एक पाँच लाख के इनामी नक्सली हिड़मा मुचाकी ल मार गिराइस हे। पुलिस अधीक्षक डॉ. अभिषेक पल्लव ह घटना के पुष्टि करिन हे।
पुलिस अउ नक्सली मन म मुठभेड़, मारे गीस 5 लाख के इनामी माओवादी
