पुलिस ह पकड़ीस जासूस कबूतर, पैर म लगे मिलिस विदेशी भाषा के टैग

कोंडागांव, 13 अप्रैल 2021। जिला म संदिग्ध कबूतर के पकड़े जाये के मामला आगु आये हे। कबूतर के पैर म विदेशी भाषा के टैग लगे रहिस। पुलिस ह कबूतर ल कब्जा म लेके येखर जांच शुरू कर देहे हे। अइसे माने जावत हे कि नक्सली कबूतर के माध्यम ले जासूसी करावत हे। फोर्स के मुस्तैदी के बाद बढ़त दबाव के सेती नक्सली अपन संदेश संगवारी मन ल भेजे बर कबूतर के इस्तेमाल करत हे। चूंकि ये कबूतर अब्बड़ समझदार अऊ घरेलू होथे, एखर सेती ओला प्रशिक्षण देना आसान होथे। कबूतर मन के एक प्रजाति जोन ल रेसिंग होमर कथे, एक बेहद खास कबूतर होथे। ओला ये तरह ले ट्रेन करे जाथे कि वो तेजी ले उड़े अऊ गंतव्य तक पहुंच के वापस लहुट सकें।