जांजगीर चाम्पा, 26 सितंबर 2020। जिला के शिवरीनारायण म शुक्रवार के महानदी के सबरी सेतु पुल के पास चेकिंग पाइंट म बैरियर के पास चेकिंग के बेरा एक स्कूटी सवार युवक ले 10 किलो गांजा जब्त करे गिस। शिवरीनारायण पुलिस ह आरोपी के खिलाफ नारकोटिक्स एक्ट के तहत जुर्म दर्ज करके कार्यवाही करिन। शिवरीनारायण समेत जिला म 7 दिन के लॉक डाउन लगे हे। सबो जिला के बॉर्डर म चेक पॉइंट बनाये गे हे। शिवरीनारायण ले गिधौरी के जोड़ने वाला शबरी सेतु के पास चेक पॉइंट म एक स्कूटी ले जांच के बेरा 10 किलो गांजा जब्त करे गिस। आरोपी ले पूछताछ म आरोपी ह अपन नाम दिलीप दास बताइस, जोन ओडिसा के सम्बलपुर के रहने वाला हे। एखर पास ले शिवरीनारायण पुलिस ल लाल रंग के अटैची म 10 किलो गांजा मिलिस। आरोपी उपर नारकोटिक्स एक्ट के तहत जुर्म दर्ज करके पुलिस अभिरक्षा म लेहे गे हे। शनिवार बिहनिया ओला रिमांड म जेल भेजे जाही।
10 किलो गांजा के संग स्कूटी सवार ल चेक पॉइंट म पुलिस पकड़िस
