सोशल मीडिया म लड़की मन के नाम ले फर्जी आईडी बना के धोखाधड़ी करइया गैंग ल पुलिस ह दबोचिस

बिलासपुर, 11 जुलाई 2020। अंतर्राष्ट्रीय क्रेडिट कार्ड ल हैक कर धोखाधड़ी करइया अपचारी गैंग पुलिस गिरफ्त म आए हे. अपचारी प्राक्सी सर्वर के उपयोग कर आईपी एड्रेस बदल के तथा सोशल मीडिया म लड़की मन के फर्जी आईडी बना के घटना ल अंजाम देवत रिहिस. पुलिस ह बताइस कि प्रदेश म ये तरह के धोखाधड़ी के ये पहली मामला हे. फिलहाल पुलिस ह तीन नाबालिग ल अभिरक्षा म ले हे. अउ उंखर कब्जे ले 25 लाख के मोबाइल, लैपटाप, इलेक्ट्रानिक डिवाइस जब्त करे गे हे. अपचारी बालक मन ह फेसबुक, इस्टाग्राम आदि सोशल मीडिया प्लेटफार्म मन म लड़की मन के नाम के फर्जी एकाउंट बना के लोग मन ले चैट करत रिहिस, अउ ओ मन ल वीडियों कॉलिंग ले बरगला के तथा वीडियों कॉल रिकार्ड कर ओला सोशल मीडिया म वायरल करे के नाम म धमकी दे के अवैध रकम ऑनलाईन पेमेन्ट वॉलेट के माध्यम ले वसूली करत रिहिस. ये सूचना ले वरिष्ठ अधिकारी ल अवगत करा के अपचारी बालक मन के घेराबंदी कर पकड़े गिस.