रायपुर, 12 मार्च 2021। छत्तीसगढ़ म तृतीय लिंग समुदाय ले चयनित पुलिस आरक्षक मन ह आज गृह मंत्री ताम्रध्वज साहू लेे उंखर रायपुर निवास कार्यालय म भेंट करके आरक्षक बने म ओमन ल धन्यवाद दीन अऊ आभार प्रकट करिन। गृह मंत्री ह तृतीय लिंग समुदाय के सबो आरक्षक मन ल बधाई अऊ शुभकामना दीन।
उल्लेखनीय हे कि रायपुर रेंज पुलिस आरक्षक भर्ती परीक्षा के परिणाम घोषित कर देहे गए हे। ये परीक्षा म तृतीय लिंग समुदाय के 13 उम्मीदवार मन के पुलिस आरक्षक पद म चयन होय हे अऊ दू उम्मीदवार वेंटिंग लिस्ट म हे। रायपुर जिला ले 8, धमतरी ले एक, राजनांदगांव ले 2, बिलासपुर ले एक, कोरबा ले एक, अंबिकापुर ले एक तृतीय लिंग के परीक्षार्थी के चयन पुलिस आरक्षक हेतु करे गए हे।
