जान के परवाह करे बिना पुलिस ह निभाइस फ्रंटलाईन वारियर के भूमिका : श्री अवस्थी

रायपुर, 3 जून 2021। कठिन अऊ विषम परिस्थिति मन म जब जान जाय के खतरा रहिस तब छत्तीसगढ़ पुलिस ह जान के परवाह करे बिना फ्रंट लाईन म ड्यूटी करिस। पुलिस ह लॉकडाउन अऊ अनलॉक के बेरा म न केवल कानून व्यवस्था संभालीस भलुक धैर्य के परिचय घलोक दीस। ये बात डीजीपी श्री डीएम अवस्थी ह आज छत्तीसगढ़ पुलिस के जांबाज कोरोना वारियर्स ल सम्मानित करत कहिन। डीजीपी ह आज इहां पुलिस ट्रांजिट मेस म छत्तीसगढ़ पुलिस के करीबन 500 अधिकारी, कर्मचारी मन ल वर्चुअली मीटिंग म कोरोना वारियर्स सम्मान ले नवाजिस। कार्यक्रम म दुर्ग रेंज के आईजी श्री विवेकानंद सिन्हा, रायपुर आईजी डॉ आनंद छाबड़ा, रायपुर एसएसपी श्री अजय यादव, उप निदेशक पुलिस अकादमी डॉ संजीव शुक्ला , दुर्ग एसपी श्री प्रशांत ठाकुर, एआईजी श्री राजेश अग्रवाल ल प्रशस्ति पत्र देकर सम्मानित करे गीस। ये दौरान वर्चुअली बिलासपुर रेंज के आईजी श्री रतनलाल डांगी, बस्तर आईजी श्री सुंदरराज पी, सरगुजा आईजी श्री आर पी साय अऊ सबो एसपी अऊ कमांडेंट्स ल घलोक सम्मानित करे गीस।