पुलिस ह चलइस जनजागरुकता अभियान, महिला मन ल दीस कानून अऊ अधिकार मन के जानकारी

जांजगीर चाम्पा, 13 मार्च 2021। जिला पुलिस बल जांजगीर चांपा ह जांजगीर शहर प्रमुख चैक चैराहा अऊ मोहल्ला मन म जाके अंजोर रथ अऊ ध्वनि विस्तार यंत्र के माध्यम ले जन जागरूकता अभियान चलइस। एमा महिला सशक्तिकरण अऊ कानून म प्राप्त अधिकार तथा महिला मन ऊपर घटित अपराध जइसे टोनही प्रताङना, दहेज प्रताङना लैगिंक अपराध के संबंध म जागरूक करिस। ये दौरान बैनर पोस्टर अऊ पर्चा बांटे गीस। महिला मन ल कोनो भी प्रकार ले पुलिस के सहायता बर महिला हेल्प लाइन नंबर 9993451091 म सम्पर्क करे बर कहे गीस। जागरुकता अभियान जिला पुलिस बल के सउनि नोहर साहू, आरक्षक पुष्पराज सिंह क्षत्रिय, तुषार सिंह, दीपक सिंह,श्याम हरवंश, महिला आरक्षक राजकुमारी मानिकपुरी अऊ धिति फाउण्डेशन सदस्य मन के योगदान रहिस।