अंतर्राज्यीय गिरोह के दू आरोपी मन ल 477 नग हीरा के संग पुलिस ह दबोचिस, महासमुंद सहित ये क्षेत्र मन म रहिस सक्रिय

महासमुंद, 10 मार्च 2021। जिला पुलिस ल बड़का सफलता मिले हे। बागबाहरा थाना इलाका ले हीरा के तस्करी करइया अंतर्राज्यीय गिरोह के दू आरोपी ल पुलिस ह दबोचे हे। पुलिस ह आरोपी मन तिर ले 477 नग हीरा जब्त करे हे। जब्त हीरा के कीमत 26 लाख 50 हजार रुपिया बताये जावत हे। जानकारी के अनुसार पुलिस ल सूचना मिले रहिस कि जिला म हीरा के तस्करी करे जावत हे। जेखर बाद पुलिस अलर्ट होगे रहिस, उहें संदिग्ध मन ऊपर नजर बनाए रखे रहिस। इही बीच बागबाहरा थाना इलाका म पुलिस ल दू संदिग्ध मन के बारे म पता चलिस। जेखर बाद पुलिस के एक टीम ह दुनों ल गिरफ्तार करे के योजना बनाइस। उहें इलाका म घेराबंदी करके दू आरोपी ल गिरफ्तार करिस। पुलिस ह बतइस कि गिरफ्तार करे गए दुनों आरोपी अंतर्राज्यीय हीरा तस्कर गिरोह के सदस्य हे। उहें दुनों ले पूछताछ चलत हे। पुलिस ह अउ आरोपी मन के जल्द गिरफ्तारी करे के दावा करे हे। पुलिस ह बतइस कि आरोपी महासमुंद, कोमाखान, बागबाहरा क्षेत्र म हीरा खपात रहिस। फिलहाल पुलिस ये खुलासा के बाद सक्रिय होगे हे।