कांकेर। जवान मन के बिहनिया के शुरुआत एक घाव फिर नक्सली मन के संग मुठभेड़ ले होइस. कांकेर जिला के कोयलीबेड़ा क्षेत्र म पुलिस के नक्सलली मन के संग मुठभेड़ होइस. जोन म कई नक्सली मन के घायल होय के खबर हे.वहीं मुठभेड़ के बाद घटना स्थल ले दो भरमार बंदूक सहित भारी मात्रा म नक्सल समाग्री बरामद होय हे.
घटना के पुष्टि एसपी भोजराम पटेल ह करत हुए बताए हे कि कोयलीबेड़ा विकासखंड के ग्राम मिचबेड़ा म बुधवार तड़के बिहनिया तीन बजे नक्सली अउ पुलिस के गस्ती टीम के संग करीब एक घंटा तक आमने-सामने मुठभेड़ होइस. पुलिस के टीम ल भारी पड़त देख नक्सली अंधेरा अउ जंगल के आड़ म भागे म सफल होगे.
मुठभेड़ के बाद घटना स्थल के सर्चिंग के बेरा दो भरमार बंदूक अउ अन्य नक्सल साम्रगी मिले हे. नक्सली मन के एक कैम्प ल भी पुलिस ह ध्वस्त करिन. साथ ही कुछ नक्सली मन के घायल होय के भी आशंका जताये जावत हे. फिलहाल इलाका म अभी भी पुलिस के टीम सर्चिंग अभियान चलावत हे.
पुलिस-नक्सली मुठभेड़, दो भरमार बंदूक सहित भारी मात्रा म समान बरामद, कुछ नक्सली मन के घायल होय के भी खबर
