बीजापुर म पुलिस-नक्सली मुठभेड़, अब तक 12 नक्सली सरग सिधारिन

बीजापुर, 10 मई 2024। छत्तीसगढ़ म नवा सरकार बनतेच नक्सली मन उपर एक्शन जारी हे। जिहां बीजापुर जिला म सुकरवार के भिनसरहा ले ही सुरक्षाबल अऊ नक्सली मन के बीच मुठभेड़ चलत हे। गंगालूर इलाका म जवान मन ह 12 नक्सली मन ल मार गिराए हें। मारे गए नक्सली मन के शव घलोक बरामद कर लेहे गे हे। बताए जात हे कि, कई बड़े नक्सली उहां मौजूद रहिन जेमन ल सुरक्षाबल ह घेर लेहे हे अऊ दूनो को‍ति ले जबरदस्त गोलीबारी जारी हे। दरसअल, सुरक्षाबल ल ए इलाका म नक्सली मन के होए के जानकारी मिले रहिस कि, हार्डकोर नक्सली कमांडर लिंगा, पापाराव समेत बड़े लीडर्स मन पीडिया के जंगल म सकलाए हें। नक्सली मन के ए कमेटी म DKSZC, DVCM, ACM कैडर के बड़े नक्सली लीडर सामिल हे। सूचना मिले के बाद दंतेवाड़ा, बीजापुर अऊ सुकमा जिला मन ले फोर्स ह जॉइंट ऑपरेशन लॉन्च करिस। जिहां पीडिया के जंगल म मुठभेड़ के बीच अब तक 6 नक्सली मारे गे हे। फिलहाल दुनों कोति ले मुठभेड़ जारी हे।
बीजापुर एसपी जितेंद्र यादव ह बताइस कि, डीआरजी, एसटीएफ अऊ CRPF के कोबरा बटालियन समेत फोर्स के 1200 ले जादा जवान मन ह इलाका ल घेर रखे हे। नक्सली ए इलाका म फंसे हे अऊ एमां ले कुछ नक्सली मन ल गोली घलोक लगे हे। तभो ले, अधिकारी तौर म एखर पुस्टि अभी नइ होए हे।