बिलासपुर, 30 अगस्त 2020। जिला के सीपत थाना प्रभारी मानसिंह राठिया के कोरोना संक्रमण ले मउत हो गे, वो बीते 26 अगस्त के कोरोना पॉजिटिव पाए गए रिहिस। एकर बाद ओला रायपुर एम्स म भर्ती कराया गे रिहिन। जिहा उकर इलाज चलत रिहिस। उहें आज बिहनिया आखरी सांस लिस।
बताय जात हे कि मानसिंह राठिया ल शुगर अउ बीपी के समस्या रिहिस हे, रायगढ़ जिला के धरमजयगढ़ क्षेत्र म ग्राम नागदरहा निवासी 58 वर्षीय राठिया 1982 म आरक्षक के पद बर नियुक्त हो रिहिस। 2013 म निरीक्षक बने रिहिस। सीपत प्रभारी के पद म पदस्थ रिहिस। कोरोना काल म लगातार सक्रिय रिहिन हे। इही दउरान संक्रमित हो गे, अस्पताल म इलाज के दउरान मउत हो गे। बिलासपुर पुलिस ह ट्वीट करके उकर प्रति श्रद्धांजलि दीन। उहें आईपीएस आर के विज ह घलो निधन के समाचार बर शोक प्रकट करिस।
गुरुतुर गोठ बर भीषम वर्मा
