रायपुर, 3 अक्टूबर 2020। राजधानी रायपुर म नशा के कारोबारी मन उपर पुलिस के कार्रवाई लगातार जारी हे। इही बीच राजधानी रायपुर के एक अउ रेस्टोरेंट म पुलिस ह दबिश देहे हे। बताये जावत हे कि पुलिस के छापामार कार्रवाई के दौरान रेस्टोरेंट म कई नाबालिग हुक्का पीयत मिले हे। फिलहाल पुलिस ह संचालक ल हिरासत म ले लेहे अउ आगु के कार्रवाई करत हे।
मिले जानकारी के अनुसार राजधानी रायपुर के गेट सोशल रेस्टोरेंट म सिविल लाइन पुलिस ह शुक्रवार के दबिश देहे हे। ये दौरान पुलिस ह नबालिग मन ल हुक्का पीयत पाये हे। पुलिस ह रेस्टोरेंट के संचालक ल हिरासत म लेके आगु के कार्रवाई करत हे।
