रायपुर, 8 सितंबर 2024/मुख्यमंत्री श्री विष्णु देव साय ह आज पुलिस थाना परिसर, पूंजीपथरा म ’’एक पेड़ मां के नाम’’ अभियान के तहत वृक्षारोपण करिन। मुख्यमंत्री श्री साय ह माँ के सम्मान म पीपर के पौधा रोपिन। कार्यक्रम म मुख्यमंत्री ह पीपल के पौधा रोपित करके पर्यावरण ल संरक्षित करे के संदेश दीन। एखर उद्देश्य पर्यावरण संरक्षण के संग-संग मातृत्व के सम्मान करना हे।
पूंजीपथरा थाना परिसर म मातृ छाया उपवन वृक्षारोपण कार्यक्रम म कृषि अउ प्रभारी मंत्री श्री रामविचार नेताम ह पीपल, वित्त मंत्री श्री ओ पी चौधरी ह पीपल, राज्यसभा सांसद श्री देवेंद्र प्रताप सिंह ह चंदन, सांसद श्री राधे श्याम राठिया ह चंदन के पौधा लगाइन। मुख्य वन संरक्षक श्री प्रभात मिश्रा, संभाग आयुक्त बिलासपुर श्री महादेव कावरे, आईजी श्री संजीव शुक्ला, कलेक्टर श्री कार्तिकेया गोयल, पुलिस अधीक्षक श्री दिव्यांग पटेल अउ स्थानीय जनप्रतिनिधि, स्कूली लइका मन ह मातृ छाया उपवन बर 800 ले जादा पौधा रोपिन। ’’एक पेड़ मां के नाम’’ अभियान के तहत प्रदेशभर म वृक्षारोपण करे जात हे, जेमां हर नागरिक ल एक पौधा अपन मां के नाम म लगाय बर प्रेरित करे जात हे।