पुलिस बनही सियान मन के सहारा,जरुरतमंद वरिष्ठ नागरिक मन के संग दे बर समर्पण अभियान के शुरुआत

रायपुर, 23 अक्टूबर 2020। मुख्यमंत्री भूपेश बघेल के निर्देश म छत्तीसगढ़ पुलिस के डाहर ले वरिष्ठ नागरिक मन बर समर्पण अभियान शुरू करे जावत हे। एखर अंतर्गत पुलिस के डाहर ले वरिष्ठ नागरिक मन ल सहायता उपलब्ध कराए जाही। डीजीपी डीएम अवस्थी ह कहिन कि कम्युनिटि पुलिसिंग के अंतर्गत जरुरतमंद वरिष्ठ नागरिक मन ल पुलिस के संपर्क म लाए बर समर्पण अभियान शुरू करे जावत हे। शुरुआत म ए कार्यक्रम प्रदेश के पांच जिला रायपुर, दुर्ग, बिलासपुर, राजनांदगांव अऊ रायगढ़ म शुरू करे जावत हे। ए अभियान के सदस्य बने बर वरिष्ठ नागरिक 23 अक्टूबर ले 31 अक्टूबर तक पंजीयन करा सकत हे। वरिष्ठ  नागरिक निर्धारित प्रपत्र म संबंधित पुलिस अधीक्षक कार्यालयध्थाना म पंजीयन करा सकत हे। एखर अलावा ईमेल आईडी seniorcitizencellphqraipur@gmail.com म घलो पंजीयन बर जानकारी भेज सकत हे। वरिष्ठ नागरिक पुलिस मुख्यालय के हेल्पलाइन नंबर 9479191536 या सीनियर सीटिजन हेल्प टोल फ्री नंबर 1800.180.1253 म घलो कॉल कर सकत हे। समर्पण अभियान के सदस्य बने बर अइसे लोगन आवेदन कर सकत हे जेखर उम्र 60 वर्ष या अधिक हो। अपन बच्चा मन के संग ना रहत हो। अकेला या पतिपत्नी के संग रहत हों। कोनो बात के डर, खतरा या स्वयं ल उपेक्षित महसूस करत हों।