- सिपाही ले हवलदार अऊ हवलदार ले एएसआई के पद म करीबन 4 हजार पुलिस वाले मन ल पदोन्नति
- डीजीपी श्री डीएम अवस्थी ह सबो रेंज आई जी ल प्री प्रमोशन कोर्स लउहे आयोजित करे के दीन हुकुम
रायपुर, मुख्यमंत्री श्री भूपेश बघेल के मंशा के मुताबिक पुलिस वाले मन के कल्याण बर पदोन्नति प्रक्रिया के तेजी से क्रियान्वयन करे जात हे। इही कड़ी म मुख्यंमत्री के निर्देश म पुलिस वाले मन अऊ ऊंखर परिजन मन ल दीपावली के खास तोहफा मिलइया हे। डीजीपी श्री डीएम अवस्थी ह बताइस कि मुख्यमंत्री श्री भूपेश बघेल हमेसा पुलिस वाले मन अऊ ऊंखर परिजन मन के हित बर संवेदनशील रहिथें, ऊंखर निर्देश म छत्तीसगढ़ पुलिस म सिपाही ले हवलदार अऊ हवलदार ले एएसआई के पदोन्नति प्रक्रिया पूरा कर लेहे गए हे। सबो जिला मन म 2952 सिपाही ले हवलदार बनईया हें अउ 865 हवलदार ले एएसआई बनईया हें। ये प्रकार ले करीबन चार हजार पुलिस कर्मचारी मन ल ये दीपावली म प्रमोशन के तोहफा मिलइया हे। डीजीपी श्री अवस्थी ह सबो रेंज आईजी ल हवलदार अउ एएसआई के प्री प्रमोशन कोर्स लउहे आयोजित करे के निर्देश देहे हें।
हवलदार ले एएसआई पद बर जिला बल के योग्य कुल 865 म ले रायपुर रेंज म 190, दुर्ग रेंज म 146, बिलासपुर रेंज म 124, सरगुजा रेंज म 98 अऊ बस्तर रेंज म 307 पुलिसकर्मी योग्य पाये गये हे। उहें सिपाही ले हवलदार पद बर जिला बल के योग्य कुल 2952 म ले रायपुर जिला म 180, बलौदाबाजार-भाटापारा म 95, गरियाबंद म 72, धमतरी जिला म 55, महासमुंद जिला म 50, जीआरपी म 24, पीटीएस माना म 6, पुलिस अकादमी चंद्रखुरी म 13, अअवि म 2, दुर्ग जिला म 88, बेमेतरा म 45, बालोद म 30, राजनांदगांव म 93 , कबीरधाम म 80, बिलासपुर म 61, मुंगेली म 35, जांजगीर-चांपा म 62, रायगढ़ म 55, कोरबा म 29, गौरेला-पेंड्रा-मरवाही म 19, सरगुजा म 55, कोरिया म 33, जशपुर म 53, सूरजपुर म 62, बलरामपुर-रामानुजगंज म 75, पीटीएस मैनपाट म 6, जगदलपुर म 217, कोण्डागांव म 198, दंतेवाड़ा म 202, सुकमा म 194, कांकेर म 242, बीजापुर म 309 अऊ नारायणपुर म 212 पुलिसकर्मी योग्य पाये गये हे।