रायपुर, 5 दिसम्बर 2020। यातायात नियम मन के पालन नई करने वाला पुलिस अफसर अऊ कर्मी मन के खिलाफ स्पेशल डीजी आर के विग ह नाराजगी जताईन हे। एला लेके प्रदेश के सबो रेंज के आईजी अऊ एसपी ल पत्र लिखिन हे।
संग ही यातायात के नियम मन के पालन नई करने वाला अफसर अऊ कर्मी मन के खिलाफ कार्रवाई के निर्देश दीन हे। पत्र के माध्यम ले स्पेशल डीजी ह निर्देश दीन हे कि कार चलात बेरा पुलिस अफसर अऊ कर्मचारी अनिवार्य रूप ले सीट बेल्ट बांधे अऊ बाइक चलात बेरा हेलमेट पहिने।
उहें लापरवाही बरते म कार्रवाई के निर्देश दीन हे। ए निर्देश के संग स्पेशल डीजी आर के विज ह विधानसभा सत्र के दौरान सबो पुलिसकर्मी मन के अवकाश रद्द करे के निर्देश दीन हे।
