रायपुर, 13 सितंबर 2023
मुख्यमंत्री दाऊ भूपेश बघेल ह प्रदेशवासी विशेष रूप से किसान भाईमन ल पारंपरिक पोरा तिहार के बधाई अउ शुभकामना दीन हावय। ये बेरा म उनमन जम्मो नागरिक मन के सुख-समृद्धि अउ खुशहाली के कामना करीन हावय। पोरा तिहार के अकतहा संझौती बेरा म जारी अपन शुभकामना संदेश म दाऊ बघेल ह कहीन हावय कि पोरा तिहार छत्तीसगढ़ के परम्परा, संस्कृति अउ लोक जीवन के गहिरी ले जुड़े परब हरे। येह हमार जीवन म खेती-किसानी अउ पशुधन के महत्व बताथे। ये दिन घरो घर उछाह ले बैला अउ जाता-पोरा के पूजा करके बने फसल अउ घर ल धन-धान्य ले परिपूर्ण होए बर प्रार्थना करे जाथे।
दाऊ बघेल ह कहीन कि तीज-तियार हमार संस्कृति अउ परम्परा मन के संवाहक होथे। येह हमार धरोहर ल अवइया पीढ़ी तक पहुंचाथे। पोरा के दिन माटी के बर्तन अउ बैला मन ले खेलके लइका मन अनजाने ही अपन माटी अउ ओकर सरोकार मन ले जुड़त चले जाथे। दाऊ बघेल ह कहीन कि येह हमार दायित्व हरे कि अवइया पीढ़ी मन अपन समृद्ध संस्कृति के परिचय करावन अउ उन्कर बचाव अउ बढ़ौतरी के उदीम करन।
