पोषक तत्व ले भरपूर: मिलेट चिक्की

अरमुरकसा के महिला मन लगभग 31 लाख रूपिया के चिक्की के कर डारे हे बेचरी
रायपुर, 04 सितम्बर, 2023
छत्तीसगढ़ शासन राज्य ले ग्रामीण अर्थव्यवस्था के परिकल्पना ल करत हे साकार बालोद जिला के जनपद पंचायत डौण्डी के ग्रामीण औघोगिक पार्क अरमुरकसा में महिला मन वृहद पैमाना म मिलेट चिक्की बनाए के काम करत हे। जिहां गांव के महिला मन ल उकर घर के तिर म ही काम मिले से खुश हे।
बलोद जिला के जनपद पंचायत डौण्डी के मुख्य कार्यकारी अधिकारी ह बताइस कि अरमुरकसा रीपा में मिलेट चिक्की उत्पादन इकाई स्थापित होए से गांव के महिला मन ल काम मिल गय हे। ग्रामीण औघोगिक पार्क में कुल 41 लाख 574 रूपिया के 23.89 टन चिक्की के उत्पादन होइस हे। महिला मन ह 30 लाख 87 हजार 892 रूपिया के चिक्की बेच डारे हे। चिक्की बनाए वाले महिला मन ल 53 हजार रुपिया के शुद्ध लाभ मिल गए हे। चिक्की बनाए वाली समूह के महिला श्रीमती सुनीता निर्मलकर ह बताइस कि 17 जुलाई 2023 ले अरमुरकसा में मिलेट चिक्की इकाई सुरू करे गईस। जिला प्रशासन ह महिला समूह मन ल चिक्की बनाए ब प्रशिक्षण घलो दिस हे। जेमा सब्बो महिला मन अब मिलेट चिक्की निर्माण काम में पूरा तरिका से दक्ष हो गए हे। ओ ह बताइस कि ए बुता के संग समूह के महिला मन अन्य गतिविधि ले घलो जुडे़ हावय। जेकर से महिला मन ल बढ़िया आमदनी प्राप्त होवत हे।