रायपुर, मुख्यमंत्री श्री भूपेश बघेल के अगुवई म छत्तीसगढ़ म बीते चार साल के भीतर स्वास्थ्य अऊ पोषण संग कई ठन क्षेत्र मन म उल्लेखनीय काम करे गए हे। हाल म ही राज्य सरकार कोति ले स्कूली लइका मन ल मध्यान्ह भोजन म मिलेट्स के व्यंजन ल सामिल करे ल केंद्र सरकार कोति ले मंजूरी देहे गए हे। लइका मन म कुपोषण दूर करे अऊ किशोरी बालिका अउ महिला मन ल एनिमिया ले मुक्त करे बर मुख्यमंत्री सुपोषण अभियान ल बनेच सफलता मिलत हे। ये अभियान के बाद लइका मन के कुपोषण म 48 प्रतिशत के गिरावट आए हे।
नीति आयोग कोति ले आकांक्षी जिला मन के रिपोट म दिसम्बर 2022 बर जारी करे गए चैम्पियन ऑफ चेंज डेल्टा रैंकिंग म छत्तीसगढ़ के नारायणपुर जिला के परफॉर्मेंस बेहतर रहे हे। देश के 112 आकांक्षी जिला मन म ले ओवरऑल परफॉर्मेंस श्रेणी म शीर्ष पांच जिला मन म छत्तीसगढ़ के आकांक्षी जिला मन म सामिल नारायणपुर जिला चौथइया जगा म हे। उहें स्वास्थ्य अऊ पोषण श्रेणी म नारायणपुर जिला के स्थान तीसरइया हे।
छत्तीसगढ़ स्वास्थ्य अऊ पोषण के क्षेत्र म सरलग रचत हे नवा कीर्तिमान
