रायपुर, 08 मार्च 2019। महिला अउ बाल विकास मंत्री श्रीमती अनिला भेंड़िया ह 8 मार्च पोषण पखवाड़ा के शुभारंभ अवसर म राजधानी के वन कॉलोनी स्थित अपन निवास ले जनजागरूकता बर सुपोषण रथ ल हरियर झंडी देखाके प्रदेश के कई ठन जिला मन बर रवाना करिन। ये दौरान महिला मन ह श्रीमती भेंड़िया ल पोषण पखवाड़ा के संदेश ‘पोषण मेरी भी जिम्मेदारी…‘ बर राखी बांधिन। ये रथ रायपुर संग बिलासपुर, राजनांदगांव, बालोद अऊ कोरबा जिला के ग्रामीण अऊ शहरी क्षेत्र मन म घूम के सुपोषण के संदेश देही। छत्तीसगढ़ ल कुपोषण मुक्त करे बर राष्ट्रीय पोषण अभियान के तहत प्रदेश म पोषण पखवाड़ा आज 8 मार्च ले शुरू होके 22 मार्च तक चलही। ये दौरान प्रदेश भर म सुपोषण के प्रति जन-जागरूकता के प्रयास करे जाही अऊ स्वास्थ्य सुरक्षा संबंधी कई कार्यक्रम आयोजित होही।
प्रदेश म पोषण पखवाडा 8 मार्च ले शुरू : मंत्री श्रीमती भेंडिया ह सुपोषण रथ ल हरियर झंडी देखाके करिन रवाना
