प्रत्येक हितग्राही मन ल प्रेरित कर के उकर घर मन मे लगाए गईस सुपोषण बाड़ी
पोषण बाड़ी में जगाए हरियर साग-सब्जी के उपयोग ले नैमेड़ के नयापारा होइस कुपोषण ले मुक्त
बीजापुर 07 सितंबर 2023
जिला बीजापुर अंतर्गत एकीकृत बाल विकास परियोजना बीजापुर, सेक्टर नैमेड़ के आंगनबाडी केन्द्र नयापारा नैमेड़ के कार्यकर्ता श्रीमती ज्योति पटेल ह अपन आंगनबाड़ी केन्द्र में पोषणबाड़ी बनाए हे। वो पोषणबाडी में हरियर साग- सब्जी लगाए हे अउ वो बाडी ले हरी साग सब्जी आंगनबाडी केन्द्र के लईका मन अउ हितग्राही मन ल गरम भोजन के संग हरियर साग भाजी ल घलो खवावत हे। ज्योति पटेल अपन सेक्टर सुपरवाईजर के संग प्रत्येक हितग्राही के घर जाके भेट कर अपन आंगनबाडी केन्द्र अंतर्गत आए वाले हितग्राही मन ल घलो अपन घर मन में पोषणबाडी बना के हरियर साग भाजी जगाए ब प्रोत्साहित करिस । आज नैमेड नयापरा में प्रत्येक हितग्राही के घर म पोषणबाडी हे। सब्बो हितग्राही खाना में अपन घर के हरियर साग सब्जी के उपयोग करत हे। अउ आंगनबाडी में सुपोषण अभियान के अंतर्गत मिले वाले अंडा, मिलेट चिक्की अउ दलिया के घलो उपयोग करत हे। जेकर से आंगनबाड़ी नयापारा में वर्तमान में एको झन कुपोषित लईका नई हे। ए कार्य में कार्यकर्ता ज्योति पटेल के संग उकर सहायिका रामदुलारी के घलो सराहनीय योगदान हे। आज नैमेड़ नयापारा एक कुपोषण मुक्त आंगनबाडी केन्द्र बन गय हे।
