रायपुर, 28 अक्टूबर 2020। स्वास्थ्य विभाग ह 196 नवनियुक्त चिकित्सा अधिकारी मन के पदस्थापना के आदेश मंगलवार के जारी करिस हे। मंत्रालय ले मंगलवार के जारी आदेश के अनुसार ए अधिकारी मन ल नियुक्ति तिथि ले 15 दिन के अंदर कार्यभार ग्रहण करना होही। नही त उंखर नियुक्ति आदेश स्वत: निरस्त माने जाही। ए चिकित्सा अधिकारी मन के पदस्थापना प्रदेश के विभिन्न स्वास्थ्य केन्द्र, जिला अस्पताल आदि मन म करे गे हे। इंखर वेतनमान मेट्रिक्स लेवल 12 ,वेतन बैंड 15600-39100 गे्रड वेतन 5400 होही। परीविक्षा अवधि 2 वर्ष के रही। जारी आदेश म कहे गे हे कि उपर्युक्त नियुक्तियां उच्च न्यायालय बिलासपुर म विचाराधीन याचिका क्रमांक 591/2012 म न्यायालय के डाहर ले पारित करे जाने वाला निर्णय के अध्यधीन होही। ए नियुक्ति मन म आरक्षण के नियम मन के पालन करे गे हे। विस्तृत जानकारी बर स्वास्थ्य विभाग के वेबसाइट सीजीहेल्थ डाट एनआईसी डाट इन के अवलोकन करे जा सकत हे।
छत्तीसगढ़ म 196 चिकित्सा अधिकारी मन के पदस्थापना, स्वास्थ्य विभाग ह जारी करिन आदेश
