सामयिक चिकित्सा अउ पोेठ इच्छाशक्ति ले कोरोना ल हराइन पूर्णिमा कश्यप ह

रइपुर 28 अप्रेल 2021 बुधवार। स्वास्थ्य बर सावचेत, बेेरा म इलाज अउ पोठ इच्छाशक्ति होवय त कइसनो रोग ले छुटकारा पा सकत हे। एला साबित करिस हे जांजगीर-चांपा जिला के बलोदा ब्लाक के गांव जार्वे (च) के पूर्णिमा कश्यप ह । बलोदा विकास खंड के कोविड केयर सह अस्पताल महुदा( ब) म 15 अप्रैल के अनिल कश्यप अउ ओकर सुुवारी पूर्णिमा कश्यप कोरोना पाज़ीटिव होए म इलाज बर भर्ती होेइन । पूर्णिमा कश्यप के ऑक्सीजन लेवल 72 प्रतिशत रिहिसे । ओला सांस लेवब म तकलीफ होवत रिहिसे। हालत बहुते नाजुक रिहिसे । अनिल सामान्य संक्रमित रिहिसे ।

पूर्णिमा के गंभीर हालत देख के तुरते इमरजेंसी इलाज़ तियारी शुरु करीन। सरलग ऑक्सीजन मैंटेन करके दवई, इंजेक्शन, आई. वी. देहे गईन। डॉक्टर मन मेहनत अउ पूर्णिमा के स्वस्थ होए के पोठ इच्छाशक्ति के आगू कोरोना ह घुटने टेक दिस अउ पूर्णिमा सामान्य अवस्था म आ गे ।