बिलासपुर, 19 जुलाई 2024, मनरेगा के तहत गांव मन म पशुपालन बर जरूरी अधोसंरचना के निर्माण ले कई गांव मन म गांव वाले मन के सामाजिक अऊ आर्थिक स्थिति म सकारात्मक बदलाव आए लगे हे। मनरेगा के अंतर्गत पंचायत स्तर म मछली पालन बर तालाब अउ डबरी के निर्माण पशुपालन अउ मुर्गी पालन शेड निर्माण के काम कराए जात हे। ए काम मन ले गांव वाले मन ल रोजगार मिले के संग ही ऊंखर जीवन स्तर म काफी सुधार आवत हे अऊ उंखर आर्थिक स्थिति घलोक मजबूत होवत हे।
मस्तूरी ब्लॉक के ग्राम पंचायत जुनवानी निवासी श्री भरत लाल टंडन तीर कोनो रोजगार, व्यवसाय नइ रहिस। परिवार के आजीविका चलाय बर ओ ल अपन घर ले दूर रहि के मेहनत, मजदूरी करना परत रहिस। गांव म रोजगार सहायक ह वोला मनरेगा के तहत कराए जात काम के जानकारी मिलीस। मनरेगा के तहत मुर्गीपालन बर 81 हजार रूपिया के लागत ले शेड निर्माण काम स्वीकृत होइस। एखर से मनरेगा श्रमिक मन ल रोजगार घलोक मिलीस। मुर्गी पालन शेड निर्माण हितग्राही अउ मनरेगा श्रमिक मन पूरा करिन। ए काम म 46 मानव दिवस सृजित करे गीस। काम के पूरा होए म भरत लाल मुर्गी पालन करत हे।
टंडन ह बताइस के ओ ल मुर्गीपालन म एक साल म 80 हजार रूपिया के मुनाफा होय हे। शेड बन जाय के बाद टंडन ल अपन आजीविका चलाय म बड़ राहत मिले हे, जेखर से वोखर आय म घलोक इजाफा होवत हे। ओ ल अपन परिवार के अजीविका चलाय म अब कोनो परेशानी नइ होवत हे। श्री टंडन ह शासन ल धन्यवाद देवत आभार जताए हे।