कांकेर, 2 जनवरी 2021। नरहरपुर विकासखण्ड के ग्राम थानाबोडी निवासी दुलेश्वरी सिन्हा जोन ह बहुत ही छोटे स्तर म देशी मुर्गी-मुर्गा पालन के व्यवसाय करत रहिस, अब वो बैकयार्ड कुक्कुट पालन करके अपन आर्थिक स्थिति म सुधार करत हे।
गौरतलब हे कि ग्राम थानाबोडी निवासी दुलेश्वरी सिन्हा द्वारा जोन आर्थिक स्थिति ले जूझत रहिस। वो कम स्तर म देशी मुर्गी-मुर्गा पालन करत रहिस इही बीच दुलेश्वरी ह पशुधन विकास विभाग म जाके योजना मन के संबंध म जानकारी लीन। विभाग के द्वारा संचालित बैकयार्ड कुक्कुट पालन योजना के तहत् विस्तृत जानकारी देहे गीस, जेखर ले ओमन 75 प्रतिशत अनुदान म कड़कनाथ के 45 चूजा प्रदाय करे गीस अऊ उंखर देख-रेख के संबंध म घलो तकनीकी जानकारी देहे गीस। अब उंखर तीर के कुछ मुर्गी मन अण्डा घलो देवत हे अऊ कुछ मुर्गी मन ल पांच-पांच सौ रूपिया प्रति किलोग्राम के दर ले विक्रय घलो करे जावत हे, जेखर ले ओमन ल लगभग 17 ले 18 हजार रूपिया के आमदनी प्राप्त होय हे। विभागीय अमला द्वारा संपर्क के दौरान पता चलिस कि कड़कनाथ मुर्गी-मुर्गा के जादा मांग ल देखत हुए दुलेश्वरी सिन्हा द्वारा स्वयं अपन लागत लगाके कड़कनाथ चूजा खरीदे के इच्छुक हे। ये प्रकार दुलेश्वरी के आर्थिक स्थिति म सुधार होवत हे अऊ एखर ले ग्राम अऊ आस-पास के कृषक घलो बैकयार्ड कुक्कुट पालन के डाहर प्रेरित होके अग्रसर होवत हे।