महासमुंद, 15 फरवरी 2024। ऐतिहासिक अउ पुरातात्विक नगरी सिरपुर म आयोजित होवईया तीन दिन के सिरपुर महोत्सव के आयोजन ए पईत घलोक माघ पून्नी 24 फरवरी ले 26 फरवरी तक भव्य तरीका ले होही। कलेक्टर श्री प्रभात मलिक ह आज सिरपुर स्थल पहुँच के सिरपुर महोत्सव के आयोजन बर होत तैयारी मन के जांच करिन। उमन सिरपुर अंतर्गत कई जगा के मुआयना करत सुव्यवस्थित आयोजन बर अधिकारी मन ल निर्देश दीन। कलेक्टर श्री मलिक ह कहिन कि तीन दिन के सिरपुर महोत्सव म साफ-सफाई, पार्किंग, शौचालय, पेयजल आदि के चाक चौबंध व्यवस्था करे जाही। उमन मुख्य मंच तक पहुंचे बर बने जगा छोड़े अउ व्यवस्थित बाजार व्यवस्था बनाए के निर्देश दीन। कलेक्टर ह स्पष्ट करिन कि महोत्सव के समय सिरपुर संग स्थानीय व्यवसायी मन ल दुकान आबंटन बर प्राथमिकता दे जाही।
एखर महोत्सव म स्थानीय अउ छत्तीसगढ़ी स्तरीय सांस्कृतिक कार्यक्रम के छटा गबरही। एखर बर प्रदेश के ख्याति प्राप्त लोक कला मंच मन ले सम्पर्क करे के निर्देश दे गे हे। संझा 04:00 ले 06:00 बजे तक स्थानीय लोक कलाकार मन ल अवसर दे जाही। कलेक्टर श्री प्रभात मलिक ह कई जगा के जायजा लेत कहिन कि मुख्य मंच ल आकर्षक रूप दे जाही। व्यवस्थित ढंग ले दुकान के आबंटन करे जाए। मेला परिसर म साफ-सफाई के समुचित व्यवस्था बर नगरपालिका अधिकारी ल जिम्मेदारी दे गीस। उमन कहिन कि महोत्सव के समय हर एक दिन साफ-सफाई सुनिश्चित होवय अउ कचरा के उठाव घलोक सरलग होत रहय। उमन सड़क मन म लगे स्ट्रीट लाईट म लाईटिंग करे के निर्देश दीन। महोत्सव परिसर के अंतर्गत सड़क मन के मरम्मत करे ल कहिन। ए मौका म एसडीएम महासमुंद श्री उमेश साहू, जनपद सीईओ श्रीमती मिषा कोसले, लोकनिर्माण, पीएचई, वन, पुलिस प्रशासन संग तहसीलदार, नायब तहसीलदार संग कई ठन विभाग मन के ज़िला स्तरीय अधिकारी उपस्थित रहिन।
महासमुंद: तीन दिन के दिन के सिरपुर महोत्सव 24 फरवरी ले, तैयारी शुरू
