मुख्यमंत्री के सलाहकार श्री शर्मा ह ग्राम झझपुरी कला के गांव वाले मन ल दीन गोठान ल मोर गोठान के भावना ले काम करे के सलाह

मुंगेली, 30 मार्च 2021। मुख्यमंत्री श्री भूपेश बघेल के सलाहकार श्री प्रदीप शर्मा ह मुंगेली जिला के विकास खण्ड लोरमी के ग्राम झझपुरीकला 28 तारीक के पहुचिन अऊ उहां गोधन न्याय योजना के तहत बने आदर्श गोठान के अवलोकन करिन। ये बेरा म उमन कहिन के झझपुरी कला म गोधन के संरक्षण अऊ संर्वधन के संगें-संग गो पालक, स्व सहायता समूह के महिला अऊ किसान मन के बढ़ोतरी बर गोठान बनवाए गए हे। गोठान म पशु धन बर पेयजल, चारागाह, शेड, फेसिंग आदि के सुविधा उपलब्‍ध कराए गए हे। उमन रात म मवेसी मन ल गोठान म ही राखे के घलोक बात कहिन। उमन कहिन के गोठान ल मोर गोठान ये भावना ले देखयं अऊ काम करयं त गोठान के संगें-संग गांव के घलोक सर्वागीण विकास होही। ये बेरा म उमन गांव वाले मन के मांग म उन्नत प्रजाति के एक सांड प्रदान करे बर पशुधन विकास विभाग के उपसंचालक ल निर्देश दीन। जांच के बेरा म जिला पंचायत के मुख्य कार्य पालन अधिकारी श्री रोहित व्यास, वनमण्डलाधिकारी श्री रामअवतार दुबे, कृषि विभाग के उपसंचालक श्री डी.के. व्यौहार, जल संसाधन विभाग के काम पालन अभियंता श्री सलीम, ग्रामीण यांत्रिकी विभाग के काम पालन अभियता श्री पी.के.शर्मा, पशु पालन विभाग के उपसंचालक डॉ. ए.के. मरकाम, उद्यान विभाग के सहायक संचालक श्री रामवीर सिंह तोमर संग स्व सहायता समूह के महिलाएं अऊ बड़ी संख्या म ग्रामीण जन मौजूद रहिन।