- भारत सरकार ल भेजे जाही प्रस्ताव
रायपुर, राज्य के 23 जिला मन म तीन हजार 737 किलोमीटर लम्बाई के 356 सड़क मन के निर्माण प्रधानमंत्री ग्राम सड़क योजना के तहत करे जाही। ये मा बालोद जिला म 249.53 किलोमीटर के 26 सड़क, बलौदाबाजार म 187.49 किलोमीटर के 18 सड़क, बलरामपुर म 66.82 किलोमीटर के 6 सड़क, बस्तर म 75.78 किलोमीटर के 4 सड़क, बेमेतरा म 91.24 किलोमीटर के 13 सड़क, बिलासपुर म 254.81 किलोमीटर के 29 सड़क, धमतरी के 108.98 किलोमीटर के 13 सड़क, दुर्ग जिला के 99.75 किलोमीटर के 15 सड़क, गरियाबंद जिला के 111.06 किलोमीटर 10 सड़क, जांजगीर-चांपा के 154.46 किलोमीटर के 15 सड़क, जशपुर जिला के 85.24 किलोमीटर के 6 सड़क, कांकेर जिला के 206.59 किलोमीटर के 21 सड़क, कवर्धा जिला के 200.23 किलोमीटर के 18 सड़क, कोण्डागांव जिला के 81.10 किलोमीटर के 8 सड़क, कोरबा जिला म 167.15 किलोमीटर के 15 सड़क, कोरिया जिला म 264.97 किलोमीटर के 18 सड़क, महासमुंद के 159.51 किलोमीटर के 15 सड़क, मुंगेली जिला म 125.91 किलोमीटर के 12 सड़क, रायगढ़ म 201.51 किलोमीटर के 15 सड़क, रायपुर म 85.60 किलोमीटर के 11 सड़क, राजनांदगांव म 342.15 किलोमीटर के 38 सड़क, सुरजपुर म 251.03 किलोमीटर के 17 सड़क अऊ सरगुजा म 166.40 किलोमीटर के 13 सड़क मन के निर्माण करे जाना हे।
मुख्य सचिव श्री आर.पी. मण्डल के अध्यक्षता म आज इहां मंत्रालय महानदी भवन म प्रधानमंत्री ग्राम सड़क योजना के राज्य स्तरीय स्थाई समिति के 26वां बैठक म सड़क मन के निर्माण ले संबंधित प्रस्ताव के अनुमोदन करे गीस। स्वीकृति बर ये प्रस्ताव भारत सरकार ग्रामीण विकास ल भेजे जाही। श्री मण्डल ह पउर साल म पास होए सड़क मन ल जल्दी ले जल्दी पूरा करे के निर्देश दिए हें। उमन प्रधानमंत्री सड़क योजना म बनइया पुल-पुलिया मन के निर्माण म तेजी लाय के निर्देश दिए हें।
बैठक म अपर मुख्य सचिव वित्त श्री अमिताभ जैन, प्रमुख सचिव वन श्री मनोज पिंगवा, प्रमुख सचिव मुख्यमंत्री सचिवालय श्री गौरव द्विवेदी, सचिव खनिज श्री अन्बलगन पी. छत्तीसगढ़ ग्रामीण सड़क विकास अभिकरण के सीईओ श्री आलोक कटियार संग तकनीकी निर्माण काम ले जुड़े विशेषज्ञ उपस्थित रहिन।