कुम्हारीन बाई ल मिलीस अपन सपना के घर

मोहला, अपन सपना के घर मिले म श्रीमती कुम्हारीन बाई के चेहरा म खुशी के लहर दउड़ गीस। मानपुर विकासखंड के ग्राम पेन्दोड़ी निवासी श्रीमती कुम्हारीन बाई के प्रधानमंत्री आवास योजना ग्रामीण ले अपन आशियाना बनाए के सउंख पूरा हो गे। वोखर बताती ओखर पति के उदुपहा सरग सिधारे ले ओ ह मानसिक रूप ले टूट गए रहिस, परिवार के पालन पोषण करइया कोनो नइ रहिस। ते पाए के स्थिति अड़बड़ेच खराब हो गीस। रोजी-मजदूरी अऊ मनरेगा म काम करके वो ह जीवनयापन करत रहिस। घर के आर्थिक स्थिति ठीक नइ रहिस। वो ह पहिली खपरा वाले कच्चा घर म रहत रहिस। बरसा के दिनो म छांधी ले पानी टपकत रहय। ते पाए के अड़बड़ परेशानी के सामना करना परय। वोला ग्राम सभा म प्रधानमंत्री आवास योजना ग्रामीण के तहत पक्का घर निर्माण के स्वीकृति मिलीस ये सुनके ओ ह अड़बड़ खुस होइस अऊ वोकर चेहरा म खुशी के लहर दौड़ गे। प्रधानमंत्री आवास योजना ग्रामीण के तहत पईसा मिल गे, जेखर से पक्का घर के काम पूरा करे गीस। वो ह ये मदद बर शासन-प्रशासन ल धन्यवाद ज्ञापित करिस अऊ खुशी जाहिर करत कहिस कि प्रधानमंत्री आवास योजना ग्रामीण के तहत मार जइसे गरीब ल सपना के घर मिल गे।