कांकेर, 30 दिसम्बर 2023। प्रधानमंत्री आवास योजना के तहत उतर बस्तर कांकेर के ग्राम किरगोली निवासी कमलेश्वर मंडावी के पक्का मकान बनाए के सपना पूरा हो गे। एकर खुशी वोखर चेहरा म साफ झलकत हे। वो ह बताइस कि पहिली ओखर परिवार माटी के मकान म रहत रहिस। चापरा के मकान होए के सेती बरसात के दिन म घर म जगा-जगा पानी टपकय त अबड़ परेशानी होत रहिस। बारिश के मौसम म माटी के दिवाल के गिरे के घलोक डर लगे रहय।
कमलेश्वर मंडावी के बताती ओ ह गरीब किसान हे। पक्का मकान बनाए बर वोखर पास पइसा नइ रहिस। ओ ल जब प्रधानमंत्री आवास योजना के जानकारी होइस त वो ह पंजरीयन कराईस अउ धीरे धीरे वोकर खुद के पक्कता मकान सरकार के सहयोग ले पूरा बन गे। ए खातिर वो ह प्रधानमंत्री श्री नरेन्द्र मोदी ल धन्यवाद देवत कहिस कि अब ओखर परिवार पक्का मकान म मंजा से हे।
