महासमुंद, 07 अगस्त 2024। जिला के बागबाहरा विकासखंड के ग्राम पंचायत चरौदा के निवासी सदाराम कमार ह पीएम जन मन के तहत Pradhan Mantri Awas Yojana के माध्यम ले अपन खुद के पक्का मकान पाए हे, जेखर से वोखर चेहरा म खुसी के मुस्कान लहुटे हे।
सदाराम के परिवार गरीब हे अऊ अपन परिवार के संग वो ह एक छोट कन कच्चा मकान म रहत रहिस। वोखर बर एक सुरक्षित अऊ पक्की मकान के सपना देखना मुश्किल रहिस। जीवन के ए कठिनाई के बाद घलव वो ह कभू अपन सपना ल नइ छोड़ीस अऊ सही बेरा के अगोरा करत रहिस। ओ ला Pradhan Mantri Awas Yojana के जानकारी ग्राम पंचायत के सरपंच अउ सचिव ले मिलिस। वो ह ग्राम पंचायत के सहायता ले प्रधानमंत्री आवास योजना के फॉर्म भरिस अऊ कुछेक दिन बाद ओ ल पीएम आवास बर स्वीकृति प्राप्त हो गे। एखर बाद, वो ह घर बनवाए के काम शुरू करवाइस अऊ लगभग चार महीना म घर बन गे।
अब ओ मन ए पक्की मकान म खुशी-खुशी अपन जीवन अपन परिवार के संग व्यतीत करत हे। वो ह बताइस कि ये घर न केवल वोखर परिवार बर एक सुरक्षित आश्रय हे, बल्कि ऊंखर जीवन म एक नवा बिहान लेके आए हे। सदाराम ह ए योजना बर देश के प्रधानमंत्री श्री नरेन्द्र मोदी अऊ प्रदेश के मुख्यमंत्री श्री विष्णु देव साय के आभार व्यक्त करे हे।