प्रधानमंत्री आवास योजना बबिता अऊ घासीप्रसाद के जिनगी म लाइस खुसहाली, पक्का मकान पाके दूर होगे दुख

CHHATTISGARHI NEWS: कोरिया, छत्तीसगढ़ सरकार अऊ केंद्र सरकार के संघरा उदीम ले कोरिया जिला म चलाए जात ‘सेवा संकल्प अभियान’ के जरिए जरूरतमंद मन के जिनगी म एक सुग्घर बदलाव आवत हे। इही कड़ी म बैकुण्ठपुर जनपद पंचायत के अंतर्गत ग्राम पंचायत टेंगनी गांव के बबिता अऊ घासीप्रसाद के परिवार बर ‘प्रधानमंत्री आवास योजना’ एक बहुत बड़ वरदान साबित होवत हे। पहिली दूनो झन के परिवार ला पक्का मकान नई होए के सेती भारी कठिनाई के सामना करे बर परत रहिस। कच्चा झोपड़ी म रहि के जीवन बिताए के सेती बरसात अऊ गरमी के दिन म ओमन ला बहुत जियादा झंझट उठाना परत रहिस, जेकर सेती परिवार के सुरक्षा अऊ चैन दूनों छिन जात रहिस।
फेर जब ले शासन के प्रधानमंत्री आवास योजना के तहत बबिता अऊ घासीप्रसाद ल पक्का मकान मिले के स्वीकृति मिलिस अऊ मकान बनके तैयार होगे, त ओमन के जिनगी के पूरा तस्वीर बदल गे। अब ओमन अपन परिवार के संग एक सुग्घर, सुरक्षित अऊ पक्का आशियाना म खुसहाली के जीवन बितावत हें। ए पक्का घर मिल जाए ले ओमन सिरिफ एक छत भर नइ पाए हें, बल्कि समाज म एक नवा सम्मान अऊ मानसिक शांति घलो पाए हें। मौसमी मार अऊ बेघर होए के जे डर पहिली बने रहिस, ओकरसे अब ओमनला हमेशा बर मुक्ति मिल गे हे।
ए प्रकार के कल्याणकारी योजना मन के जरिए शासन ह गरीब परिवार मन के जीवन स्तर ल ऊंचा उठाए के जे संकलप लेहे हे, ओकर वास्तविक लाभ धरातल म दिखत हे। सेवा संकल्प अभियान ह गोठ भर के योजना नोहे, बल्कि ये जमीन म उतर के लोगन के दुख ला दूर करत हे। बबिता अऊ घासीप्रसाद जइसे ग्रामीण अऊ शहरी परिवार मन के सफलता के कहानी ए बात के प्रमाण हे के सही समय म मिले सरकारी सहयोग ले गरीब परिवार मन के जिनगी म सुग्घर उजाला आ सकथे।