पक्का घर मिले म प्रधानमंत्री अऊ मुख्यमंत्री ल दीस धन्यवाद
जशपुर, हर एक मनखे के एक सपना होथे के वोकर खुद बर एक छांव के व्यवस्था हो जाय। कहूं उही छांव पक्का होवय त सोना म सुहागा। छत्तीसगढ़ म मुख्यमंत्री श्री विष्णुदेव साय के सार्थक पहल ले राज्य के मनखे मन ल प्रधानमंत्री आवास योजना के शत प्रतिशत लाभ मिलत हे।
इही कड़ी म प्रधानमंत्री आवास योजना म जशपुर जिला के विकासखण्ड पत्थलगांव के ग्राम पंचायत पालीडीह के निवासी विरेंद्र कुमार ल छांव मिल गए हे। वोकर कुछुच आय के साधन नइ सहिस ते पाए के घर बना पाना विरेंद्र बर कोनो पहाड़ तोड़े ले घलोक बड़का काम रहिस। विरेंद्र मेर कच्चा मिट्टी अउ छप्पर वाला टूटे-फूटे झोपड़ी रहिस, जेखर गिरे के डर बने रहय। जब ग्राम पंचायत ले ओ ल पता चलिस के ओखर नाम प्रधानमंत्री आवास सूची म सामिल कर ले गए हे अऊ लउहेच ओ ल पक्का घर मिल जाही तब विरेंद्र के खुशी के ठिकाना नइ रहिस। हितग्राही विरेंद्र कुमार ल ऊंखर नाम ले घर आबंटित होइस अऊ घर बनाए बर 1 लाख 30 हजार राशि मिलीस। एखरे संग ही मनरेगा के माध्यम ले मजदूरी भुगतान घलोक मिलिस।
