सूरजपुर, 11 अगस्त 2024। करौटी गांव के विक्रम के परिवार एक छोट कन कच्चा मकान म रहत रहिस। बेमौसम बरसात या बारिश के दिन म घर के छत ले पानी के बूंद सरलग टपकत रहय। अपन परिवार बर एक पक्का घर बनाए के ओखर अड़बड़ सउंख रहिस अऊ ओखर ए सउंख ल प्रधानमंत्री आवास योजना (ग्रामीण) ह पूरा करिस।
आज वो अऊ ओखर परिवार अपन खुद के पक्की मकाम म रहत हे। केंद्र अउ राज्य शासन के कई ठन योजना मन ले ओखर आर्थिक समृद्धि के द्वार खुल गये हे। स्वच्छ भारत मिशन ले शौचालय मिले हे उहें शासन के तय मानक जइसे उचित मूल्य दुकान ले राशन कार्ड के माध्यम ले राशन घलोक मिलत हे। एखर संगेच मनरेगा के तहत अपनेच गांव म मजदूरी के काम मिलत हे। ओ हर बताइस के आज ओखर परिवार न केवल केंन्द्र अउ राज्य सरकार के जनहितैषी योजना मन ले लाभान्ति होवत हे भलुक समाज के मुख्य धारा ले जुड़त घलोक हे।
