शुभ मुहूर्त देख के गांव मन म अड़बड़ झन करत हें गृह प्रवेश त कहूं भूमिपूजन
प्रधानमंत्री आवास योजना के लाभ पा के गांव वाले मन होइन मगन
कबीरधाम, रोटी कपड़ा अऊ मकान जीवन के मूलभूत जरूरत हे, जेन ल मनखे सरलग मिहनत करके अपन परिवार बर एला पूरा करथे। समाज के आखरी छोर म खड़े गांव वाले मन ल रोजमर्रा के चीज मन बर बिकट मेहनत करना पपथे, जेखर से घर के जरूरत पूरा हो सकय। कहूं मूलभूत जरूरत ल पूरा करे बर काखरो सहारा मिल जाय त जीवन के बड़का कष्ट दूर हो जाथे। कठिन परिस्थिति म मिले आर्थिक सहायता गांव वाले मन बर बहुत मददगार सिद्ध होथे। गांव वाले मन के अपन पक्का घर बनाए के सपना अब प्रधानमंत्री आवास योजना ग्रामीण ले पूरा होवत हे। योजना ले मिले आर्थिक सहयोग ले गांव वाले मनके जीवन म सकारात्मक बदलाव देखे ल मिलत हे।
कबीरधाम जिला के कई ठन ग्राम पंचायत म ए तिहार के सीजन म अपन पक्का घर बन जाय के संग गांव वाले मन पूजा अउ अनुष्ठान करत गृह प्रवेश करत हे अऊ जे मन ल नवा घर के स्वीकृति मिले हे ओ परिवार मन भूमि पूजन करके अपन खुसी बांटत हें। घर के मुखिया, अपन सपना ल सच होत देखत हे, खुसी उंखर दुगुना होत दिखत हे।
प्रधानमंत्री आवास योजना ग्रामीण ले मिले लाभ के कहानी गांव वाले मन के जुबानी!
कवर्धा, शिव कुमार बघेल पिता नंदकुमार बघेल निवासी ग्राम पंचायत चचेडी जनपद पंचायत कवर्धा ह अपन नवा प्रधानमंत्री आवास ल पूरा करत गृह प्रवेश करे हे। शिवकुमार बताथे के अपन पक्का घर बन जाना सुखद एहसास हे सरकार ले मिले सहायता के सेती ये काम पूरा हो पाए हे।
अंतराम पिता समारू ग्राम पंचायत गांगपुर जनपद पंचायत पंडरिया के बताती मोर अपन पक्का घर बन गे। एखर संग मोला रोजगार गारंटी ले 95 दिन के रोजगार घलोक मिलीस। अब में शान से अपन पक्का घर म परिवार के संग रइहूं। अंतराम ह आगू बताइस के दू दिन पहिलीच मैं ह पूजा अर्चना करके गृह प्रवेश करे हंव अऊ ए साल माता के नवरात्रि मोर बर बहुत खास हे।
श्रीमती रजनी चंद्रवंशी पति राजेश चंद्रवंशी ग्राम पंचायत झलमला बताइस के मोला अपन पंचायत ले पता चलिस के सरकार ह मोर घर पास कर देहे हे। ए नवरात्रि के तिहार म मोर परिवार ह भूमि पूजन करके अपन प्रधानमंत्री आवास बनाए के काम शुरू कर देहे हे। सरकार काति ले घर पास हो जाय ले हमर बहुत अकन परेशानी अब दूर हो गए हे।
जनपद पंचायत लोहारा के ग्राम पंचायत नवघटा म रहइया समेलाल पिता प्रदुम ह बताइस के अपन घर ल सजाके मोर परिवार ह दू दिन पहिलीच गृह प्रवेश करे हे। अपन पक्का मकान म रहे के बरसों जुन्ना सपना पूरा हो गे।
ग्राम लधान म रहइया श्रीमती मंटोरा बाई राव पति श्री राम नारायण अपन खुशी जाहिर करत बताइस के हमन अपन घर बनाए बर कालेच भमि पूजन करे हन। बैंक खाता म पहिली किस्त के पइसा 40 हजार रुपिया घलोक आ गए हे।
