कवर्धा जिला म प्रधानमंत्री आवास योजना ग्रामीण के 14 हजार 126 हितग्राही मन ल जारी होइस राशि

कवर्धा, कबीरधाम जिला के प्रधानमंत्री आवास योजना ग्रामीण के हितग्राही मन के राशि राज्य सरकार कोति ले जारी करे गए हे। कुल 14 हजार 126 हितग्राही मन बर राज्य सरकार ह 22 करोड़ 68 लाख 24 हजार रुपिया संबंधित हितग्राही मन के खाता म अंतरित करे गए हे। मिले जानकारी के मुताबिक साल 2016-17 ले 2019-20 तक के कई ठन घर के हितग्राही मन ल राशि जारी करे गए हे जेमां पहिली किस्त, दूसर किस्त, तीसर अउ चंउथईया किस्त के राशि सम्मिलित हे। 30 हितग्राही मन ल पहिली किस्त के राशि देहे जात हे। अइसनहे 546 हितग्राही मन ल दूसर किस्त के राशि, 1290 हितग्राही मन ल तीसर किस्त के राशि अउ 12260 हितग्राही मन ल चउथईया क़िस्त के राशि देहे जात हे।
कलेक्टर श्री जनमेजय महोबे ह बताइस कि ग्रामीण क्षेत्र मन म आवास के हितग्राही मन ल राज्य शासन कोति ले ऊंखर निर्माण स्तर के मुताबिक राशि अंतरित करे जात हे। उमन बताइन कि जनपद पंचायत कवर्धा बोड़ला पंडरिया अउ लोहारा क्षेत्र म होवत आवास के निर्माण काम मन बर ये राशि जारी करे गए हे। जेमां पहिली किस्त के राशि के रूप म 13 लाख 37 हजार रुपिया दूसर किस्त बर 2 करोड़ 46 लाख 72 हजार रुपिया तीसर किस्त बर 5 करोड़ 70 लाख 1 हजार रुपिया अउ चंउथईया क़िस्त बर 14 करोड़ 38 लाख 500 रुपिया शासन कोति ले सीधा हितग्राही मन ल देहे जात हे। राशि मिल जाय ले जिला के आवास हितग्राही मन ल बहुत राहत मिलही अऊ ऊंखर रुके काम पूरा हो सकही। जिला पंचायत मुख्य कार्यपालन अधिकारी श्री संदीप कुमार अग्रवाल ह बताइस कि आवास के राशि चार किस्त म देहे जाथे जेमां निर्माण के अलग-अलग स्तर म राशि प्रदान करे के कार्यवाही जियो टैगिंग के बाद होथे। सबो हितग्राही मन ल राशि ऊंखर संबंधित बैंक खाता म शासन कोति ले सीधा अंतरित करे जात हे।