दंतेवाड़ा, प्रधानमंत्री आवास योजना (ग्रामीण) ह विकासखंड गीदम अंतर्गत ग्राम पंचायत कौरगांव के इंदर राम के कई बछर जुन्ना सपना साकार होए हे। अब वोखर परिवार ल सुरक्षित पक्का घर के सुख मिले हे।
इंदर राम एक कृषि मजदूर हे। लंबा समय ले ओखर परिवार माटी के भिथिया अऊ घास- फूस के छत (खदर) वाले कच्चा घर म रहत रहिस। बरसात के दिन म टपकत छत अऊ कमजोर भिथिया मन के सेती ओ मन ल बहुत अकन कठिनाइ मन के सामना करना परत रहिस। बरसात के दिन म सांप-बिच्छु छोटे जीव जंतु मन के भय बने रहय। आर्थिक स्थिति कमजोर होए के सेती पक्का मकान बनाना वोखर बर असंभव रहिस।
साल 2024-25 म प्रधानमंत्री आवास योजना (ग्रामीण) के पात्रता सूची म नाव आए के बाद इंदर राम ल आवास निर्माण बर 1 लाख 20 हजार के राशि पास हो गे। एखर संगेच मनरेगा के तहत 90 दिवस के मजदूरी के भुगतान घलोक सीधा वोखर बैंक खाता म करे गीस।
नवा पक्का मकान बने के बाद इंदर राम के परिवार के जिंदगी म बड़का बदलाव आए हे। अब ओ सुरक्षित छत के तरी म रहत हे अऊ आत्मसम्मान के संग जीवन जीयत हे। वो ह देश के प्रधानमंत्री श्री नरेंद्र मोदी अऊ राज्य के मुख्यमंत्री श्री विष्णु देव साय जी के प्रति विशेष आभार प्रकट करत कहिस के ये आवास केवल चार दीवार भर न ही, बल्कि आत्मविश्वास अऊ नवा उम्मीद के चिनहारी ये।
प्रधानमंत्री आवास योजना ले मिलीस पक्का मकान
