मुख्यमंत्री श्री साय के निर्देश म अधिकारी मन घरो-घर पहुंचके उंखर समस्या मन के लेवत हें जानकारी
रायपुर 01 जनवरी 2024। मुख्यमंत्री श्री विष्णुदेव साय के निर्देश म प्रधानमंत्री जनजाति आदिवासी न्याय महाअभियान (पीएम जनमन) के तहत राज्य के विशेष पिछड़ा जनजाति मन ल शिविर के माध्यम ले योजना मन के लाभ देवाए के तेज पहल करे जात हे। पोषण चौपाल अउ शिविर के माध्यम ले योजना मन के लाभ देवाए खातिर उंखर घर तक पहुंचके जागरूक करे के विशेष प्रयास करे जात हे। प्रधानमंत्री जनमन योजना के तहत कई विभाग के अधिकारी अउ प्रशासनिक अमला विशेष पिछड़ी जनजाति मन के पंचायत, बसाहट, टोला पारा अउ घर द्वार तक पहुंच के बड़ सरलता अउ आत्मीयता ले कई प्रकार के समस्या अउ जरूरत मन ले अवगत होवत हें।
छत्तीसगढ़ शासन कोति ले प्रधानमंत्री जनमन योजना के अंर्तगत विशेष पिछड़ा जनजाति समूह के सामाजिक आर्थिक उन्नति बर चलाए जात कई योजना मन के बेहतर क्रियान्वयन बर शिविर लगाए जात हे। अधिकारी कर्मचारी शिविर के माध्यम ले ले अवगत होवत हें। इंकर चिन्हारी करके सबो विशेष जनजातीय समूह मन के मनखे मन ल प्रधानमंत्री जनमन योजना के लाभ देवाए खातिर मिशन मोड म कार्ययोजना बनाके ओ मन ल लाभ प्रदान कराए अउ योजना मन के बेहतर क्रियान्वयन बर कार्य योजना बनाए के दिशा म तेजी ले काम चलत हे। इही कड़ी म महासमुंद विकासखंड अंतर्गत ग्राम झालखमहरिया म जिला प्रशासन कमार परिवार के घर जाके उंखर से जानकारी सकेलिस । प्रशासन कोति ले उंखर समस्या मन ले अवगत होके ओ मन ल संबंधित योजना मन के बारे म जानकारी दीए गगीस। एखर संगेच शिविर लगाके योजना मन के लाभ लेहे बर प्रेरित करे गीस। विशेष पिछड़ा जनजाति मन ल वीडियो संदेश के माध्यम ले जानकारी देहे जात हे अऊ हितग्राही मन ल जनमन कार्ड घलोक उपलब्ध कराए जात हे ।
जानबा हे कि विशेष पिछड़ा जनजाति समुदाय के सामाजिक अऊ आर्थिक स्थिति म सुधार बर प्रधानमंत्री जनमन योजना संचालित करे जात हे। एखर अंतर्गत कई विभाग मन के समन्वय ले पेयजल, आवास, सड़क, मोबाईल मेडिकल यूनिट, छात्रावास निर्माण, आंगनबाड़ी केंद्र के माध्यम ले पोषण, वनधन केंद्र के स्थापना, आधर कार्ड, आयुष्मान कार्ड , पक्का घर, नल जल योजना, इंटरनेट अउ मोबाईल सर्विस के उपलब्धता अऊ आजीविका संवर्धन बर कौशल विकास संग महत्वपूर्ण गतिविधि मन के क्रियान्वयन करे जाही।
