रोज प्रधानमंत्री के नाम हजारों चिट्ठी राजीव भवन पहुंचत हे प्रदेश के कोना-कोना ले
रायपुर, छत्तीसगढ़ प्रदेश किसान कांग्रेस के अध्यक्ष चंद्रशेखर शुक्ला कोति ले जारी करे गए विज्ञप्ति के मुताबिक मुख्यमंत्री भूपेश बघेल अउ प्रदेश कांग्रेस अध्यक्ष मोहन मरकाम जी के आह्वान म छत्तीसगढ़ किसान कांग्रेस जामुल अहिवारा दुर्ग के नेतृत्व म गांव-गांव जाके किसान मन ल 2500 रू. धान के कीमत देहे के मांग ल लेके प्रधानमंत्री नरेन्द्र मोदी जी ल चिट्ठी लिखे ल कहत हें। प्रधानमंत्री के नाम पत्र लिखव अभियान पूरा प्रदेश म जोर शोर ले चलत हे। किसान विरोधी नीति ल लेके प्रधानमंत्री जी ल किसान मन के संगें-संग व्यापारी अऊ समाज के सबो वर्ग के मनखे मन चिट्ठी लिखत हें। आज 10000 हजार चिट्ठी प्रदेश कांग्रेस के प्रभारी महामंत्री गिरीश देवांगन, प्रदेश कांग्रेस के महामंत्री अऊ संचार विभाग के अध्यक्ष शैलेश नितिन त्रिवेदी, प्रदेश कांग्रेस के मुख्य प्रवक्ता सुशील आनंद शुक्ला, प्रदेश कांग्रेस प्रवक्ता धनंजय सिंह ठाकुर, प्रदेश किसान कांग्रेस के अध्यक्ष चंद्रशेखर शुक्ला, युवक कांग्रेस के प्रदेश उपाध्यक्ष रेणु मिश्रा के उपस्थिति म प्रदेश कांग्रेस के मुख्यालय राजीव भवन म जमा करे गीस।
प्रदेश किसान महामंत्री हरिओम सोनी के नेतृत्व म किसान कांग्रेस जिला उपाध्यक्ष लोकनाथ ढीमर, किसान कांग्रेस जिला महासचिव राम प्रसाद धृतलहरे, तुलाराम जोशी, केजु राम साखे, संत कुमार साहू, संतोष उमा देशलहरे, गुहाराम साहू, कमला बाई पटेलिन, सबाना बाई कुभंकार, रूखमणी बाई साहू, राधाबाई यादव, गनेशिया साहू, चंदाबाई साहू, निर्मला बाई यादव, अमन हांडा, गंगाराम, दौलत संग बहुत अकन कांग्रेसजनों ह गांव-गांव अभियान चलाकर 10 हजार ले जादा चिट्ठी म दस्कत लेहे गीस अऊ वो चिट्ठी ल प्रदेश कांग्रेस के मुख्यालय राजीव भवन म आके उमन संउपिन ये बेरा म बहुत अकन वरिष्ठ नेता उपस्थित रहिन।
