जशपुर, प्रधानमंत्री के रद्दा देखाय अउ मुख्यमंत्री श्री विष्णु देव साय के सुशासन के संकल्प के संग प्रदेश म जनकल्याणकारी योजना मन के बढ़िया काम चलत हे। सरकार के लक्छ हे के हर एक पात्र परिवार तक योजना के लाभ बखत म पहुँचय अउ उमन के जिनगी म असल बदलाव आए। एही उदेस्य ले चलत प्रधानमंत्री उज्ज्वला योजना के माध्यम ले गरीब अउ जरूरतमंद माईलोगन मन ल मुफत म गैस कनेक्शन दीन जात हे। ए योजना ले नोनीबाबू मन ल रंधनी खोली म धुंगिया ले मुक्ति मिलत हे अउ उमन के जिनगी अउ जादा सुरक्षित अउ सुग्घर बनत हे।
जशपुर जिला के विकासखंड बगीचा म हालेच म होय कार्यक्रम के बखत पात्र महिला मन ल गैस कनेक्शन बांटे गीस। ए मउका म लाभ पवइया मन ह सरकार ल धन्यवाद दीन। बगीचा के रहवइया श्रीमती क्रांति यादव ह मुख्यमंत्री श्री विष्णु देव साय के हाथ ले गैस सिलेंडर पाके भारी खुस होइस। ओ ह कहिस के अब ओला परम्परागत चूल्हा के धुंगिया ले छुटकारा मिलही। पहिली रंधनी म धुंगिया के सेती आंखी म जलन अउ सांस लेय म तकलीफ होत रहिस, फेर अब गैस कनेक्शन मिले ले ओ ह सफा अउ सुग्घर वातावरण म आसानी ले खाना बना सकही।
इही रकम ले ग्राम मड़िया के रहइया श्रीमती फूलमती नगेसिया ह बताइस के ओ ह अभी तक लकड़ी के चूल्हा म खाना बनावत रहिस। धुंगिया के सेती घर के माहौल खराब हो जावत रहिस अउ ओला भारी असुविधा होत रहिस। मुफत गैस कनेक्शन मिले ले अब खाना जल्दी अउ साफसुथरा ढंग ले बन सकही। ओ ह कहिस के ए योजना ओखर बर बड़े राहत लेके आए हे।
प्रधानमंत्री उज्ज्वला योजना ले ना के सिरिफ महिला मन के सेहत म सुधार होत हे, बल्कि समय अउ मेहनत के घलो बचत होत हे। एखर ले पर्यावरण बचाव ल घलो बढ़ावा मिलत हे। राज्य सरकार कोति ले योजना के बढ़िया संचालन ले जिला के महिला मन के जिनगी के स्तर म बढ़िया बदलाव दिखत हे। ए योजना ग्रामीण इलाका मन म महिला सशक्तिकरण के डहार म एक बड़े कदम साबित होवत हे।
प्रधानमंत्री उज्ज्वला योजना ले मनखे मन ल धुंगिया ले मुक्ति , जिनगी होइस आसान
