चुलहा के धुंगिया ले मिलीस मुक्ति, लउहे बन जाथे जेवन- यमुना

कांकेर, 30 दिसम्बर 2023। प्रधानमंत्री उज्ज्वला योजना ह श्रीमती यमुना उइके के चूल्हे ले लकड़ी जलाके खाना बनाए ले मुक्ति देवा दीस। वो ह कहिस कि निःशुल्क गैस सिलेंडर अऊ चूल्हा शासन ले मिले हे। एखर बर वो ह प्रधानमंत्री श्री नरेन्द्र मोदी ल धन्यवाद देवत हे। लाभान्वित हितग्राही श्रीमती यमुना उइके उत्तर बस्तर कांकेर के ग्राम किरगोली निवासी हे। श्रीमती यमुना ह बताइस कि पहिली चुलहा म खाना बनाए बर परय। पूरा रंधनी खोली धुंंगिया ले भर जात रहिस। ते पाए के आंखी म जलन के संगे संग सांस लेहे म घलोक बड़ समस्या होत रहिस। वो ह खुशी जाहिर करत कहिस जब ले प्रधानमंत्री उज्ज्वला योजना के तहत ओ ल गैस कनेक्शन मिले हे तब ले खाना बनाए म बहुत सुविधा होथे। अब समय के घलोक बचत होथे अऊ रंधनी खोली के वातावरण घलोक स्वच्छ रहिथे। वो ह कहिस कि गैस चूल्हा म खाना बनाए ले पर्यावरण के घलोक संरक्षण होवत हे।