प्रधानमंत्री विश्वकर्मा योजना म पारम्परिक शिल्पकार अउ कारीगर मन के होवत हे पंजीयन

कोण्डागांव, 16 दिसम्बर 2023। प्रधानमंत्री विश्कर्मा योजना के तहत् जिला म पारंपरिक शिल्पकार अऊ कारीगर मन के पंजीयन करे जात हे। चुने गए हितग्राही मन ल प्रमाण पत्र अऊ विश्वकर्मा परिचय पत्र देहे जाही। इन कारीगर मन के पारंपरिक कौशल ल निखारे बर 5 ले 7 दिन के नि:शुल्क आवासीय प्रशिक्षण घलोक देहे । जेमां 500 रूपिया प्रति दिन के दर ले छात्रवृत्ति देहे जाही। सफलतापूर्वक प्रशिक्षण पूरा करे के बाद यंत्र अउ औजार बर 15 हजार रूपिया के अनुदान सहायता घलोक मिलही। इच्छुक हितग्राही मन ल पहिली चरण म 01 लाख तक अऊ दूसर चरण म 02 लाख तक के वित्तीय सहायता मात्र 5 प्रतिशत ब्याज दर म बैंक ले देवाए जाही। योजना के तहत 18 प्रकार के चुने गए ट्रेड वाले पारंपरिक शिल्पकार अऊ कारीगर मन ल लाभान्वित करे जाही। एमां बढ़ई, नाव (डोंगा) बनाइया, अस्त्र बनइया, लोहार, ताला बनइया, हथौड़ा अऊ टूल किट बनइया, सोनार, कुम्हार, मूर्तिकार, मोची, राजमिस्त्री, डलिया चटाई बनइया, नाई, पारंपरिक गाड़ी अऊ खेलौना बनईया, मालाकार (पुष्प सज्जा), धोबी, दर्जी, मछली जाल बनइया सामिल हे। योजना अन्तर्गत आधार कार्ड अउ मोबाईल नंबर अऊ बैंक पास बुक के संग ग्राम पंचायत म स्थित ग्राहक सेवा केन्द्र (सीएससी) सेंटर म पंजीयन कराए जा सकथे।