प्रधानमंत्री आवास योजना ले मिलीस पक्का घर, सुमित्रा पटेल बर बनिस सहारा

पति के सुरता के संग अब सुमित्रा जीयत हे सम्मान अऊ सुकून के जीवन
जांजगीर-चांपा, जिला के जनपद पंचायत बलौदा अंतर्गत ग्राम पंचायत बिरगहनी (च) के श्रीमती सुमित्रा पटेल बर प्रधानमंत्री आवास योजना (ग्रामीण) कोनो वरदान ले कम साबित नइ हे। ये योजना वोखर दिवंगत पति स्व. लखनलाल पटेल के अधूरा सपना ल साकार करइया बनिस, जेखर से आज ओ एक सुरक्षित अऊ पक्का मकान म सम्मानपूर्वक जीवन यापन करत हे।
स्व. लखनलाल पटेल के परिवार बिकटेच गमजोर आर्थिक स्थिति के रहिस अऊ वोखर रोजी-रोटी के एकमात्र सहारा मजदूरी रहिस। खुद के खेती के जमीन नइ होए के सेती ओखर परिवार कइ बछर ले कच्चा अऊ जर्जर माटी के घर म रहत रहिन। जीवनभर मेहनत करे के बाद घलव पक्का मकान बनाना केवल एक सपना बनके रहि गए रहिस।
साल 2024-25 म प्रधानमंत्री आवास योजना (ग्रामीण) के तहत ओ ल पात्र पात 1 लाख 20 हजार रुपिया के सहायता राशि किश्त म वोखर खाता म आइस। ए योजना के माध्यम ले लखनलाल अऊ वोखर पत्नी सुमित्रा ह मिलके अपन सपना के मजबूत पक्का घर तियार करिस।
दुर्भाग्यवश घर पूरा होए के कुछे समय बाद लखनलाल के आकस्मिक निधन हो गे। अब सुमित्रा पटेल उही मकान म अपन पति के सुरता के सहारे जीवन यापन करत हे। ओखर कहना हे के, सरकार के ए योजना ह हमला वो दीस जेला हम कभू सोंचे घलो नी रहेन। ये घर अब मोर जीवन के सहारा हे।