जशपुर, सबे के सपना होथे मूड़ म एक पक्का घर होवय। अऊ जब ये सपना साकार होथे त ज़िंदगी म नवा उम्मीद अऊ सुकून भर जाथे। कुछ अइसहे होय हे जशपुर जिला के बगीचा जनपद पंचायत अंतर्गत ग्राम पंचायत पण्ड्रापाठ के बुचू राम के जेकर कइ बछर जुन्ना जुन्ना सपना प्रधानमंत्री जनमन आवास योजना के माध्यम ले अब हकीकत बन गए हे।
बुचू राम पहिली अपन जुन्ना, कच्चा अऊ जर्जर मकान म पत्नी अऊ लइका मन के संग कठिन परिस्थिति मन म जीवन यापन करत रहिस। बरसात के मौसम म टपकत छत, चारों कोति पानी अऊ असहज माहौल ह ओखर जीवन ल कठिन बना के रखे रहिस। सीमित आय अऊ कमजोर आर्थिक स्थिति के कारण वो खुद के पक्का मकान बनाए के सपना घलोक नइ देख पात रहिस।
साल 2023-24 म प्रधानमंत्री जनमन आवास योजना के अंतर्गत ओ ल मकान निर्माण बर स्वीकृति मिलीस। ग्राम पंचायत के रोजगार सहायक ह वोखर कागद सकेल के ऑनलाइन पंजीयन कराइस अऊ कुछे समय बाद वोखर खाता म पहली किस्त के राशि पहुंच गे। बुचू राम ह बताइस के शुरु म ओ ल भरोसा नइ होइस, फेर बैंक जाके जब खाता म राशि देखीस त आंखी म खुशी के आंसू आ गे।
सरकारी सहायता अऊ मनरेगा के मजदूरी मिलाके वो ह अपन पक्का मकान तियार करिस। अब ओ अपन परिवार के संग न केवल सुरक्षित अऊ मजबूत छत के नीचे रहत हे, बल्कि बरसात के मौसम म घलोक बिना कोनो चिंता के चैन के नींद ले पात हे।
मुख्यमंत्री श्री विष्णुदेव साय के अगुवइ म छत्तीसगढ़ राज्य म प्रधानमंत्री जनमन आवास योजना के लाभ दूरस्थ अंचल के जरूरतमंद मनखे मन तक पहुंचत हे। ए योजना ह बुचू राम जइसे बहुत अकन मनखे मन ल सम्मान ले जीवन जीए के अवसर देवत हे।
बुचू राम ह मुख्यमंत्री अऊ भारत सरकार ल धन्यवाद देवत कहिस, जऊन घर के उम्मीद मैं छोड़ देहे रहेंव, वो आज मोर आगू खड़े हे। सरकार ह मोर अंधियारी जिंदगी म अंजोर ला देहे हे।
अब सुख अराम ले बीतत हे बुचू राम के जीवन : प्रधानमंत्री जनमन आवास योजना ले सपना होइस साकार
