महासमुंद के बकुल समद्दार के सपना होइस साकार, प्रधानमंत्री आवास योजना ले खुशी अऊ सम्मान के संग जीवन जीयत हे बकुल

महासमुंद 16 दिसंबर 2023। प्रधानमंत्री आवास योजना के तहत जिला के 60759 हितग्राही योजना के तहत बने आवास मन म खुशी अऊ सम्मान ले रहत हें। जिला म योजना अंतर्गत साल 2016-17 ले 2022-23 तक कुल 73266 आवास स्वीकृत करे गए हे। जेमां ले आज तक 60759 घर पूरा अउ 12507 घर प्रगतिरत हे। ये मां ले पहिली किस्त के राशि फरवरी 2023 म जारी करे गए हे।
जनपद पंचायत महासमुन्द अंतर्गत ग्राम पंचायत सिरपुर जिला मुख्यालय ले 41 किलोमीटर के दूरी म स्थित गांव म बकुल समेद्दार एकल महिला बहुत गरीब स्तर ले जीवन यापन करत रहिस अऊ कच्चा जर्जर मकान म रहके गुजारा करत रहिस। जेला प्रधानमंत्री आवास योजना के लाभ मिलीस। बकुल 65 साल के सियान महिला ये जेकर पति के मृत्यु हो गे हे। पति के मृत्यु के बाद ओखर जीवन बहुत कठिनाई ले भरे रहिस। वोखर पक्का घर के सपना अधूरा हो गए रहिस। फेर ये योजना ह एकर सपना ल साकार करिस।
प्रधानमंत्री आवास योजना-ग्रामीण अंतर्गत बकुल ल 2020-21 म घर के स्वीकृति प्रदान करे गीस। स्वीकृति के बाद पहिली किस्त 25000 रूपिया जारी करे गीस। एखर बाद वो ह घर के काम चालू करिस। 20 जून 2023 के लेंटर लेवल तक के निर्माण होइस बउ दूसर किस्त के राशि 40000 रुपए बर एफटीओ करे गीस। 05 सिंतम्बर 2023 के रूफ कास्ट लेवल म जियो टैग के बाद तीसर किस्त के राशि 40000 रूपिया बर एफटीओ करे गीस। कुछ दिन के बाद 15000 रूपिया के आखरी किस्त घलोक जारी कर देहे गीस। एकर से प्रधानमंत्री आवास योजना ग्रामीण अंतर्गत कुल 120000 रूपिया वोला देहे गीस। एकर से घर बन गे अउ बकुल समेद्दार के सपना घलोक साकार हो गे। आज ओ ह अपन घर म अपन पति के सुरता ल संजोके रखे हे अऊ ये योजना बर प्रधानमंत्री के धन्यवाद देवत नइ थकत हे।