मुख्यमंत्री ह प्रतिभावान पढ़ईया लईका मन ल करिन सम्मानित

लैपटॉप-टैबलेट भेंट करके बढ़ाइन उत्साह
रायगढ़, मुख्यमंत्री श्री विष्णु देव साय ह रायगढ़ प्रवास के बेरा म जिला के मेधावी पढ़ईया लईका मन ल सम्मानित करिन। रायगढ़ जिला कार्यालय के सृजन सभा कक्ष  म आयोजित समीक्षा बैठक के बाद मुख्यमंत्री ह 10वीं अऊ 12वीं बोर्ड परीक्षा मन म राज्य स्तर म उत्कृष्ट प्रदर्शन करइया पढ़ईया लईका मन ल लैपटॉप अउ टैबलेट भेंट करिन।
मुख्यमंत्री ह पढ़ईया लईका मन के उज्ज्वल भविष्य के कामना करत ओ मन ल सरलग आगू बढ़त रहे बर प्रेरित करिन। उमन कहिन के अइसन प्रतिभाशाली छात्र प्रदेश के नाम रोशन करत हें अऊ सरकार उंखर हर संभव सहयोग करही।
रायगढ़ जिला के छात्रा कु. हेमलता पटेल ह कक्षा 10वीं म राज्य स्तर म तीसरा स्थान, आयुषी कुमारी ह सातवां स्थान अऊ रौनक चौहान ह नौवां स्थान प्राप्त करे हे। उहें 12वीं के छात्रा कृतिका यादव ह छठवां अऊ तरंग अग्रवाल ह आठवां स्थान हासिल करे हे। एखर संगेच दिया पांडे ह एमएमएसई परीक्षा म प्रदेश म पहिली स्थान प्राप्त करके जिला के गौरव बढ़ाए हे।